2018 жылдың 4 маусымында Есiл қаласында мемлекеттiк рәмiздерге құрметпен қарау, патриотизм сезiмiн арттыру мақсатында жастар ресурстық орталығы автокөлiкпен жарыс ұйымдастырды. Бұл iс-шараға барлық келушiлер, оның iшiнде Есiл ауданы мемлекеттiк архивтiң қызметкерлерi қатысты. Бағыт қаланың орталық көшелерi арқылы өттi. Ұлы Отан соғысының ардагерлерiне арналған ескерткiш алаңында мәре болды.Қатысушыларға Есiл ауданы әкiмiнiң орынбасары Дәурен Нұрлыбеков құттықтау сөз сөйледi. Қазақстан Республикасының Мемлекеттiк рәмiздер күнiн мерекелеуге арналған салтанатты шараның соңында флешмоб өттi.